Tawel Omrak | طوّل عمرك
إذا صحتك ونمط حياتك صاروا موضوع مؤجل، أو معقّد، أو محيّر… هذا البودكاست إلك. في «طوّل عمرك» نسأل أسئلة عن الصحة بتخطر ببال كل واحد فينا: ليه ما عم بنام؟ ليه جسمي تعبان؟ شو آكل؟ وشو لازم أفحص؟ ومن وين أبدأ؟ من خلال حوارات مع أطباء وخبراء في الطب الوقائي، النوم، الحركة، التغذية، والصحة النفسية، نطلع بخطوات بسيطة وواقعية تساعدنا نعيش براحة ووعي أكبر. «طوّل عمرك» بودكاست صحي عن الوقاية وطول العمر، من إنتاج صوت بالتعاون مع ميدلابز.
حلقات
ليش نستنى المرض عشان نهتم بصحتنا؟
في هاي الحلقة من «طوّل عمرك» مع زينة صهيون، بنحكي عن الصحة من منظور شامل وعدسة أوسع.
بنستضيف الأستاذ الدكتور محمود سرحان ليفيدنا بحكمته الثرية والطويلة في مجال الطب الوقائي، وكيف نتعامل معه كمنهجية كاملة في حياتنا، وما نستنى المرض يجينا عشان نهتم بصحتنا. بنحكي مع دكتور محمود عن متوسط الأعمار اللي شهد ازدياد كبير في العقود الأخيرة، ومع هيك صحة معظم الناس بتتدهور في مع تقدّم السن، عشان هيك بنحاو
كيف نهتم بصحتنا النفسية؟
في هاي الحلقة من «طوّل عمرك» مع زينة صهيون، بنحكي عن الصحة النفسية من منطلق بسيط وبعيدًا عن التسميات والتصنيفات.
بنفهم من ضيفتنا ضرورة الانتباه لأعراضنا ومشاعرنا، واللي ممكن تفّهمنا أكثر عن حالنا ومدى احتياجنا لمختص نفسي، بنتعرّف خلال حديثنا على بعض الأدوات للاهتمام بصحّتنا عن النفسية، وكيف نبطّئ في عصرنا السريع. بنحكي أيضًا عن وصمة العار اللي بتترافق مع العلاج النفسي، وأهمية النظر للعلاج بطري
بودكاست طوّل عمرك | نومنا مؤشر لصحّتنا
في هاي الحلقة من «طوّل عمرك» مع زينة صهيون، بنتعرّف على كواليس النوم وبنفهم أهميته في حياتنا وصحتنا ككل.
بنسأل ضيفنا كيف ممكن نحصل على نوم جودته أفضل، وكيف نعرف لو عنا مشاكل في النوم، وشو علاقتها بالتنفس؟ أيضًا بنتعرّف على أهم القواعد البسيطة اللي ممكن نتبعها في يومنا لتساعدنا في النوم.
ضيف الحلقة هو الدكتور ياسر قعوار استشاري الأمراض الصدرية والعناية المركزة هو رئيس قسم العناية المركزة في مست
بودكاست طوّل عمرك | الطب الوقائي
في هاي الحلقة من «طوّل عمرك» مع زينة صهيون، بنبسّط مفهوم الطب الوقائي وبنحوله لخطوات عملية بنقدر نطبقها بحياتنا.
بنسأل ضيفنا أسئلة مهمة؛ مثلًا، كيف نفهم طبيعة جسمنا لنعرف شو الفحوصات والمسح الصحي اللي بيلزمنا حسب العمر والحالة وتاريخ العائلة، وبدون ما نضيع بين لأرقام المجرّدة؟ وكيف نبني علاقة واعية مع جسمنا ونعرف شو بيحتاجه بالضبط لضمان وقاية صحتنا؟ وشو أهمية اختيار مختبر معتمد بنوثق فيه؟
بودكاست طوّل عمرك | كيف تحوّل الحركة من عبء لعادة يومية؟
في هاي الحلقة من «طوّل عمرك» مع زينة صهيون، بنحكي عن كيف نحوّل الحركة من واجب ثقيل لعادة يومية واقعية بتناسب جدولنا المليان.
بنشرح مخاطر الجلوس الطويل، وبنحكي عن أهداف المشي وأساسيات القوة والمرونة، وأثرها على المدى البعيد.
بنحكي عن الحركة بصفتها أداتنا الأساسية لتخفيف التوتر وصفاء الذهن. بعيدًا عن الهوس الرياضي أو المبالغة، تركيزنا في هذا الحوار كله على عادات بسيطة وكيفية إيجاد الاستمرارية بد
بودكاست طوّل عمرك | كيف نأكل بتوازن بدون رجيم؟
ليش رغم كل محاولاتنا لناكل "صح" منرجع دائمًا لنفس الدوامة؟
في هاي الحلقة من «طوّل عمرك» مع زينة صهيون، منحكي عن علاقتنا مع الأكل بعيدًا عن الحميات والقوائم الممنوعة والمسموحة.
منناقش ليش الحرمان في أغلب الأحيان بيوصلنا لنفس النتيجة ومنلاقي حالنا في حلقة مفرغة، ومنحكي عن الأكل العاطفي، والضغوطات المتعلقة بشكل أجسامنا، وكيف ممكن هاي العوامل تأثر على اختياراتنا اليومية بدون ما ننتبه.
والأهم
نقدّم لكم: بودكاست طوّل عمرك
إذا صحتك ونمط حياتك صاروا موضوع مؤجل، أو معقّد، أو محيّر… هذا البودكاست إلك.
في «طوّل عمرك» نطرح أسئلة عن الصحة بتخطر ببال كل واحد فينا:
ليه ما عم بنام؟ ليه جسمي تعبان؟ شو آكل؟ وشو لازم أفحص؟ ومن وين أبدأ؟
من خلال حوارات مع أطباء وخبراء في الطب الوقائي،النوم، الحركة، التغذية، والصحة
النفسية، نقدّم خطوات بسيطة وواقعية تساعدنا نعيش براحة ووعي أكبر.
طوّل عمرك» بودكاست من إنتاج «صوت» بالت
